Aðfaranámskeið – Fræðileg ritun

Undirbúningsnámskeið í fræðilegri ritun verður haldið í ágúst. 

Námslýsing: Farið verður yfir atriði eins og málsnið, orðfæri, flæði og samhengi, hugtakanotkun, samþættingu texta og heimilda og grunnatriði varðandi meðferð og utanumhald heimilda og tilvísana.

Námskeiðið er í fjarkennslu og þannig aðgengilegt fyrir alla, óháð staðsetningu, sem skrá sig og greiða námskeiðsgjald.

Lesefni: Efni frá kennara.

Námsmat: Þar sem hér er um undirbúningsáfanga að ræða sem ekki gefur námseiningar verður ekki um sérstakt námsmat að ræða.

Námskeiðið stendur í eina viku frá 9.-15. ágúst 2021.

Kennari: Kristín M. Jóhannsdóttir, lektor við hug- og félagsvísindasvið.

Skráningargjald kr. 3000.- greiðist með kreditkorti við skráningu eða kröfu í heimabanka fyrir upphaf námskeiðs.

Nemendur sem eru innritaðir á vormisseri 2021 við HA þurfa ekki að greiða fyrir námskeiðið. Ath. Fyrirvari er um að námskeiðið getur fallið niður ef þátttaka er ekki nægileg.