fbpx

Hvatning og starfsánægja

- 100% fjarnám

Yfirlit

Starfsánægja er eitt af því sem mestu máli skiptir á vinnustöðum. Hún smitar útfrá sér og skapar góðan starfsanda. Nokkur atriði hafa mikil áhrif á starfsánægju einstaklinga. Sem dæmi þá virðist skipta miklu máli að vita hvað maður á að gera. Annað er að einstaklingar viti hvernig þeir standa sig. Félagslegi þátturinn er einnig mikilvægur því að einstaklingur sem upplifir sig ekki sem hluta af heildinni er ólíklegur til að upplifa mikla starfsánægju.

Hagnýtar upplýsingar

Á námskeiðinu er fjallað um nokkrar helstu kenningar og aðferðir við hvatningu og hvernig hún tengist starfsánægju, vali á starfi, starfsþróun og frammistöðu. Hvatning kemur fram í viðhorfum, hugsun og hegðun og þeir sem eru ánægðir í því sem þeir eru að gera eru líklegri til að leggja sig fram og sýna áhuga og ákveðni í að ná árangri. Skort á hvatningu má sjá í áhuga- og sinnuleysi um starfið, óstundvísi og fjarvistum og ýmsum vandamálum sem tengjast ágreiningi og gremju, lítilli og lélegri samvinnu við lausn vandamála og andstöðu við breytingar og slæma aðlögun að þeim. M.a. verður farið yfir hvað fræðimenn hafa verið að segja um starfsánægjuna og hvernig best er að hlúa að henni. 

Ávinningur:

  • Þekking á helstu kenningum við hvatningu.
  • Þekking á helstu aðferðum við hvatningu.
  • Greining á eigin hvataþáttum.
  • Skilningur á eigin hvatningu.

 

 

Fyrirkomulag fjarnáms

Miðvikudaginn 8. febrúar kl. 9-12 í fjarkennslu á Zoom

Efnisskrá

Meðal þess sem er tekið fyrir á námskeiðinu:

  • Starfsánægja.
  • Hvað hvetur og hvað letur?
  • Uppbyggileg samskipti.
  • Umboð til athafna.

Einnig er fjallað um endurgjöf (feedback) en hana má sjá sem aðferð til að skýra og bæta samskipti milli fólks.

Námskeiðið hentar öllum sem áhuga hafa á að fræðast og læra um aðferðir til að auka hvatningu og starfsánægju.

Dagskrá

Kennsluaðferðir:

  • Fyrirlestur
  • Umræður
  • Æfingar
  • Virk þátttaka
Kennarar

Ingrid Kuhlman, þjálfari og ráðgjafi hjá Þekkingarmiðlun. 

Kostnaður

Verð: 21.500 kr.

Upphafsdagur
Upphafsdagur08 Feb 23
TímalengdSímenntun
Verðkr 21.500

Áhugavert námskeið sem vert er að skoða