Inngangur í leikjaforritun

- Sumarskóli

Yfirlit

Í þessu námskeiði fá þátttakendur að sjá dæmi um einfalda og litla tölvuleiki. Farið er yfir hin ýmsu tól sem eru til fyrir tölvuleikjagerð og hvað þarf að hafa í huga. Allir þátttakendur sækja síðan ákveðin tól á sínar vélar og fylgja leiðbeinandanum í gegnum ferlið að búa til tölvuleik.

Þetta námskeið hentar vel sem undirbúningur fyrir nemendur á leið í tölvunarfræði og líka alla aðra sem hafa áhuga á að kynnast þessum viðfangsefnum. Ekki er gert ráð fyrir því að þátttakendur hafi þekkingu á viðfangsefninu.

ATH: Hægt er að taka námskeiðið eitt og sér eða samhliða námskeiðunum Inngangur í almenna forritun, Inngangur í vefforritun og Inngang í heim gagnagrunna.

Fyrirkomulag fjarnáms

Námskeiðið er að fullu í fjarnámi

Efnisskrá

Kennsluefnið sem eru myndbönd á íslensku, glærur, verkefni og annað hjálparefni kemur á kennsluvef HA. Fólk hefur aðgang að umræðuvef þar sem það mun geta sent inn spurningar og fengið aðstoð frá leiðbeinanda. Allar lausnir og kóði verður birtur þar sem nemendur hafa aðgang að. Gert er ráð fyrir að fólk eyði a.m.k. 5 tímum á viku í námskeiðið.

Dagskrá

Námskeiðið er 3 vikur og stendur yfir frá 27. júlí - 15. ágúst. 

Kennarar

Umsjónamaður: Ólafur Jónsson – Verkefnastjóri tölvunarfræðináms við HA
Kennari: Rúnar Vestmann – Nemandi í tölvunarfræði.

Kostnaður

Skráningargjald er kr. 3000.- sem greiðist með kreditkorti við skráningu eða kröfu í heimabanka fyrir upphaf námskeiðs.

Nemendur sem eru innritaðir á vormisseri 2020 við HA þurfa ekki að greiða skráningargjald.
Ath. Fyrirvari er um að námskeiðið getur fallið niður ef þátttaka er ekki nægileg.

Upphafsdagur

There a no startdates for this programme yet.

Áhugavert námskeið sem vert er að skoða