Inngangur í vefforritun

- Forritun og tölvur

Yfirlit

Á þessu námskeiði fær fólk að sjá einfalda fullbúna vefsíðu í byrjun, síðan er hafist handa við að kóða sambærilega síðu fyrir alla þátttakendur, þar sem hver og einn mun geta sett sitt persónulega mark á sína eigin vefsíðu. Til að gera þetta er notast við HTML, CSS og Javascript sem eru tól sem flest allar vefsíður á internetinu nota.

Þetta námskeið hentar vel sem undirbúningur fyrir nemendur á leið í tölvunarfræði og líka alla aðra sem hafa áhuga á að kynnast þessum viðfangsefnum. Ekki er gert ráð fyrir því að þátttakendur hafi þekkingu á vefforritun fyrir námskeiðið.

ATH: Hægt er að taka námskeiðið eitt og sér eða samhliða námskeiðunum Inngangur í almenna forritun, Inngangur í heim gagnagrunna og Inngangur í leikjaforritun. 

Fyrirkomulag fjarnáms

Námskeið er að fullu í fjarnámi

Efnisskrá

Kennsluefnið sem eru myndbönd á íslensku, glærur, verkefni og annað hjálparefni kemur á kennsluvef HA. Fólk hefur aðgang að umræðuvef þar sem það mun geta sent inn spurningar og fengið aðstoð frá leiðbeinanda. Allar lausnir og kóði verður birtur þar sem nemendur hafa aðgang að. Gert er ráð fyrir að fólk eyði a.m.k. 5 tímum á viku í námskeiðið.

Dagskrá

Námskeiðið er alls 3 vikur 

Kennarar

Umsjónamaður: Ólafur Jónsson – Verkefnastjóri tölvunarfræðináms við HA
Kennari: Rúnar Vestmann – Nemandi í tölvunarfræði.

Kostnaður

Námskeiðsgjald kr. 12.000- greiðist með kreditkorti við skráningu eða kröfu í heimabanka fyrir upphaf námskeiðs.


Ath. Fyrirvari er um að námskeiðið getur fallið niður ef þátttaka er ekki nægileg.

Upphafsdagur

There a no startdates for this programme yet.

Áhugavert námskeið sem vert er að skoða