fbpx

Leiðsögunám – Ísland alla leið

- Nám með starfi

Yfirlit

Leiðsögunámið er sniðið að þeim sem vilja búa sig undir starf leiðsögumanns á Íslandi. Áhersla er á almenna þekkingu, náttúruvernd, sjálfbærni, öryggi og íslenskar aðstæður. Námið tekur mið af Evrópustaðli  ÍST EN 15565:2008 (Tourism services – Requirements for the provision of professional tourist guide training and qualification programmes).

Verklegur hluti námsins er í samstarfi við SBA-Norðurleið.

Hagnýtar upplýsingar

Meginmarkmið leiðsögunámsins

Að gera nemendur hæfa til að vinna við leiðsögn ferðamanna á Íslandi. Að námið standist þær kröfur sem ferðaþjónustan og þjóðfélagið gerir á hverjum tíma þannig að fagmennska sé ætíð í fyrirrúmi.

Að námi loknu á nemandi að:

  • Þekkja sérstöðu landsins hvað varðar náttúru, sögu og menningu og geta jafnframt miðlað henni til ferðamanna á viðeigandi tungumáli.
  • Vera fær um að afla viðeigandi upplýsinga og vinna úr þeim áhugaverða kynningu á þeim svæðum sem ferðast er um.
  • Búa yfir hæfni til að leiðsegja ferðamönnum með fjölbreyttan bakgrunn og gera upplifun þeirra af landi og þjóð eftirminnilega.
  • Hafa í heiðri ábyrga umgengni við íslenska náttúru.
  • Geta lagt mat á mismunandi ferðaáætlanir og unnið í samræmi við þær.
  • Þekkja sögu ferðaþjónustu á Íslandi og hafa skilning á mikilvægi jákvæðs samstarfs þeirra sem starfa innan greinarinnar.
Fyrirkomulag fjarnáms
  • Námið er að mestu fjarnám og spannar þrjú misseri. Það er skipulagt þannig að mögulegt er að sinna því samhliða starfi og búa hvar sem er á landinu.
  • Á hverju misseri verða tvær staðarlotur á Akureyri frá fimmtudegi til sunnudags sem nemendur eiga að mæta í.
  • Vettvangs- og æfingaferðir eru skipulagðar yfir námstímann og endar námið á sex daga hringferð um landið. Gert er ráð fyrir 100% þátttöku í þessum ferðum.
Efnisskrá

Kennsluskrá með fyrirvara um breytingar birt fljótlega.

Inntökuskilyrði
  • Tuttugu ára aldurstakmark.
  • Stúdentspróf, sambærileg menntun eða raunfærnimat.
  • Gott vald á íslensku.
  • Standast inntökupróf í því tungumáli sem umsækjandi hyggst nota í leiðsögn og skólinn getur boðið upp á þjálfun í.

Inntökupróf í erlendum tungumálum verða haustið 2023 og kostar hvert próf 12.000 kr. og hægt er að þreyta próf í fleiri en einu tungumáli.

Með umsókn þarf að fylgja stutt yfirlit yfir náms- og starfsferil.

Dagskrá

Kennslutilhögun

  • Námið spannar þrjú misseri og er skipulagt þannig að mögulegt er að sinna því samhliða starfi og búa hvar sem er á landinu.
  • Á hverju misseri verða tvær staðarlotur á Akureyri frá fimmtudegi til sunnudags sem nemendum er ætlað að mæta í.
  • Vettvangs- og æfingaferðir eru skipulagðar yfir námstímann og endar námið á sex daga hringferð um landið. Gert er ráð fyrir 100% þátttöku í þessum ferðum.
Kennarar

Fjölmargir kennarar/leiðsögumenn/fyrirlesarar koma að náminu, hver og einn sérfræðingur á viðkomandi sviði.

Kostnaður

Heildarverð námsins er 750.000 kr. en nemendur greiða sjálfir fyrir mat í ferðum og gistingu í hringferð um landið. Námsgögn, utan námsefnis frá kennurum, eru ekki innifalin í skólagjöldum.

Semja má um greiðslufyrirkomulag áður en nám hefst t.d. skipta greiðslum eftir misseri eða greiðsludreifingu til allt að 36 mánaða.

Vinsamlega athugið að ekki er hægt að fá endurgreitt ef nemandi ákveður að hætta í námi á námstíma.

Styrkir:
Vakin er athygli á að ýmis stéttarfélög og vinnuveitendur veita góða námsstyrki. Einnig er vakin athygli á að hjá Vinnumálastofnun eru upplýsingar og ráðgjöf varðandi margvísleg námsúrræði fyrir einstaklinga á atvinnuleysiskrá.

Upphafsdagur
Upphafsdagur02 Jan 23
TímalengdSímenntun
Verðkr 750.000

Áhugavert námskeið sem vert er að skoða