-
Námsskeiðs gjald
kr 75.000
Yfirlit
Námskeiðið er 10 ECTS eininga á MA stigi í kennaradeild (framhaldsnámsstig) og hentar reyndum kennurum og stjórnendum með bakkalárpróf (forkröfur).
Tilgangur námskeiðsins að efla þekkingu skólasamfélagsins á leiðsögn og leiðsagnarhlutverkinu og á hvern hátt leiðsögn getur verið þáttur í þróun skóla og starfseflingu kennara. Fjallað er um leiðir til að móta og þróa lærdómssamfélag sem tæki til umbóta í skólastarfi. Rætt er um starfsþróun og helstu álitamál, tækifæri og áskoranir í starfi kennara. Í samvinnu við nemendur er leitað leiða til að stuðla að uppbyggjandi/styðjandi leiðsögn til starfseflingar og starfþroska nýliða og fjallað um mikilvægi samstarfs allra hagsmunaaðila, s.s. kennara, stjórnenda, kennaramenntastofnana, skólayfirvalda og samtaka kennara og einstakra skóla.
Sjá nánar á: https://ugla.unak.is/kennsluskra/index.php?tab=nam&chapter=namskeid&id=86388320210&namskra=0
Hagnýtar upplýsingar
Námskeiðið er próflaust en námsmat er byggt á nokkrum verkefnum, svo sem ígrundunardagbókum, málstofu og ritgerð, kynningum og viðtölum.
Í námskeiðinu verður stuðst við eftirfarandi grunnefni:
Hargreaves, A. og Fullan, M. (2012). Professional capital. Transforming teaching in every school. New York og London: Teachers College Press.
Heikkinen, H., Jokinen, H., og Tynjälvä, P. (ritstjórar). (2012). Peer-group mentoring for teacher development. London og New York: Routledge.
Dagskrá
Námskeiðið er byggt upp á þremur staðlotum; í janúar, febrúar og mars og er fyrirkomulag. Lota 1 verður í vikunni 18.-24. janúar, lota 2 í vikunni 1.-5. mars og lota 3 í vikunni 12.- 16. apríl. Kennt er tvo hálfa daga í hverri lotu (fyrir hádegi annan daginn og eftir hádegi hinn).
Í lotunum sjálfum er einhver áhersla lögð á fyrirlestra en ekki síður er kennslan byggð upp á umræðum sem tengjast lesefni námskeiðsins. Lögð er áhersla á að nemendur séu sem virkastir í tímum og í veflægum umræðum þess á milli.
Kennarar
Umsjónarkennari: Birna María Svanbjörnsdóttir lektor Hug- og félagsvísindasviðs HA.
Upphafsdagur
There a no startdates for this programme yet.
Áhugavert námskeið sem vert er að skoða