Stjórnun og rekstur sveitarfélaga 6 ECTS

Námskeið á meistarastigi við Viðskiptadeild Háskólans á Akureyri - 6 ECTS einingar

Markmið námskeiðsins er að veita nemendum þekkingu á íslenska sveitarstjórnarstiginu, stjórnun, rekstur og starfsemi sveitarfélaganna. Helstu efnisþættir eru:

• Tilgangur, hlutverk og verkefni sveitar­stjórnarstigsins og stöðu sveitarfélaganna í stjórnkerfinu.
• Stjórnsýsla, lýðræði og stefnumótun á sveitarstjórnarstiginu.
• Þróun sveitarstjórnarstigsins. Sameining og samvinna sveitarfélaga.
• Löggjöf um sveitarstjórnir og sveitarfélög.
• Rekstur og fjármál sveitarfélaga.
• Sveitarfélög og atvinnulíf. Staðarval fyrirtækja.
• Sveitarfélög, byggðaþróun og búferlaflutningar.
• Samfélagsleg og landfræðileg áhrif samgangna og fjarskipta
• Vöxtur byggða og borga.
• Sveitarfélög á 21. öldinni. Útlit og horfur.

Allir fyrirlestrar eru teknir upp og aðgengilegir á kennsluvef námskeiðsins. Kennari er svo með reglulega Zoom fundi með nemendum yfir önnina sem auglýstir eru síðar. 

Að námskeiðinu loknu skal nemandi:

• kunna skil á íslenska sveitarstjórnarstiginu, mismunandi uppbyggingu sveitarfélaga
• þekkja til stjórnsýslu sveitarfélaga og geta tekist á við hana eða tekið þátt í henni óháð stærð sveitarfélags
• kunna skil á rekstri og fjármálum sveitarfélaga, áætlanagerð, útgjöldum og tekjustofnum
• þekkja til helstu ytri þátta í umhverfi sveitarfélaga sem þau þurfa að takast á við svo sem, byggðaþróun og samgöngumál.

Námskeiðið hefst 9. janúar. 

Umsjónakennarari: Grétar Þór Eyþórsson prófessor við Viðskipta- og raunvísindasvið HA.

Aðrir kennarar: Ari Karlsson lögfræðingur/ráðgjafi, Dan Jens Brynjarson sviðsstjóri hjá Akureyrarbæ, Jón Þorvaldur Heiðarsson lektor HA, Stefán Bjarni Gunnlaugsson prófessor HA, Vífill Karlsson dósent HA.