fbpx

Verkefnastjórnun og leiðtogaþjálfun – vogl

- Nám með starfi

Yfirlit

Skráningafrestur til og með 29. sept. nk.

Verkefnastjórnun og leiðtogaþjálfun (VOGL) er fjölbreytt nám sem ætlað er þeim sem vilja í senn öðlast þekkingu og þjálfun á sviði verkefnastjórnunar og efla leiðtogahæfileika sína.

Námsbrautin Verkefnastjórnun og leiðtogaþjálfun (VOGL) er þróuð af Nordica ráðgjöf ehf. en að henni standa þeir dr. Helgi Þór Ingason, vélaverkfræðingur og dósent og dr. Haukur Ingi Jónasson, cand. theol., S.T.M., C.P.E., sálgreinir og lektor en þeir eru einhverjir reyndustu stjórnendaþjálfarar landsins.

 

Hagnýtar upplýsingar

Fyrir hverja?

  • Námið er ætlað áhugasömu og dugmiklu fólk sem hefur vilja til að efla færni sína í starfi og leik. Í náminu kynnast þátttakendur nýjum hugmyndum og áhugaverðu fólki.
  • Það gagnast ekki síst millistjórnendum og stjórnendum innan félagasamtaka, fyrirtækja og stofnana.
  • Námið gagnast í reynd öllum sem hafa getu, metnað og vilja til að sinna því.
Efnisskrá

Um námið:

  • Námið byggir á að efla fjóra megin færniþætti nemenda: Stefnumótunarfærnileiðtoga­færniskipulagsfærni og samskiptafærni. Upplýsingar um hvert námskeið hér
  • Námið spannar tvö misseri; unnið er með færniþættina yfir allan náms­tímann og áhersla er á að kenna nemendum hagnýtar aðferðir og þjálfa þá í notkun þeirra. Mikill hluti námsreynslunnar á sér stað í kennslustofunni í fjölbreyttri vinnu og skemmtilegu samstarfi. 
  • Námið er kennt á grunni kennslubóka á íslensku eftir kennara námsins, um fyrrgreinda færniþætti, sem JPV útgáfa gefur út. Kennsluaðferðir eru fjölþættar og til að mynda er beitt tilfellagreiningum (e. case-studies), hlutverkaleikjum, sýnd eru myndbönd, haldnir fyrirlestrar, hvatt til samræðu, unnið að raunhæfum verkefnum, auk þess sem sérstakar Facebook og Canvas-síður tilheyra náminu.
  • Kennslufyrirkomulag er þannig að nemendur koma til vinnu í Háskólanum á Akureyri- Sólborg í tvær kennsluvikur á hvoru misseri. Kennsluvikurnar eru með nokkurra vikna millibili og á þeim tíma er nemendum ætlað að vinna að verkefnum.
  • Í lok náms þreyta nemendur próf sem veitir þeim alþjóðlega IPMA vottun samkvæmt stigi D sem er staðfesting á þekkingu á sviði aðferðafræði verkefnastjórnunar.
  • Þátttökukostnaður í náminu er ISK 730.000.- Innifalið er öll kennsla, umsýsla, aðgengi að Canvas og Canvas-síðum námsins, bækurnar Leiðtogafærni, Samskiptafærni, Stefnumótunarfærni og Skipulagsfærni auk ítarefnis, hádegisverður þá daga sem kennsla er og útskrift. Skipta má námsgjaldi í tvennt eða semja má um raðgreiðslur til allt að 36 mánaða áður en nám hefst.
Dagskrá

Lota 1: 13.-16. september
Lota 2: 22.-25. nóvember
Lota 3: 24.-27. janúar
Lota 4: 14.-17. mars

Kennslutími: kl. 8:30-15:30.

Kennarar

Dr. Haukur Ingi Jónasson, cand. theol., S.T.M., C.P.E., sálgreinir og lektor.
Dr. Helgi Þór Ingason, vélaverkfræðingur og dósent.

Umsagnir um námskeið

Nokkrar umsagnir um námið á Akureyri:

  • Námið er góð blanda af huglægu og hlutlægu.
  • Námið mun nýtast mér til að vinna verkefni sem mér eru falin á fagmannlegri hátt og verða betri í samskiptum.
  • Námið er skemmtilegt, áhugavert og mjög fræðandi. Það eflir mann sem einstakling, atvinnurekanda, launþega og almennt þátttakanda í verkefnum og samfélaginu.
  • Sjálfvinna, að upplifa sátt við sjálfa mig kom mér mest á óvart. Samskipti í teymisvinnu. Verkefnastjórnun á eftir að nýtast mér svakalega vel sérstaklega hvað óvissu varðar. 
  • Frábært nám í alla staði. Vel að öllu staðið hjá Símenntun HA og kennslan og öll gögn mjög góð. Ég gat strax hagnýtt mér margt úr náminu og það kemur til með að nýtast mér í áframhaldandi starfi og ekki síður persónulegu tilliti. Mæli hiklaust merð vogl!
Upphafsdagur

There a no startdates for this programme yet.

Áhugavert námskeið sem vert er að skoða